Tiberis hat geschrieben:Versus quominus ederem facetos ...
Vndenas Tiberis Catulliano uates ordine syllabas iugauit, ut uersus faceret iubente Musa, cum corpus premeret calor miselli et mens uix toleraret aestuantem solem, quam gelidum refrigerare uix possit Styriae merum fauentis. Carmen dulce dedit foro elegansque, cum nollet manus aridae papyro uoces tradere opus stilo negante.
Multa nocte ego scripseram poema, corpus quo tolerare posset aestum. scribenti rota ventilans poetae sudorem minuit molestiorem. at miror, calidis quod his diebus versus continuas perelegantes, tamquam e fonte fluant aquae perenni.
ego sum medio quem flumine cernis,
stringentem ripas et pinguia culta secantem,
caeruleus Thybris, caelo gratissimus amnis
Aestu ne pereat, precor, poeta, sed mox uim minuente sole duro uersus det lepidos foro magister et tractus Styriae quiete et imbre, qui campos riget et nemus, fruantur.