De turba Thomicidarum

[ThomasVulpius]

Sunt, qui in dies numerum eorum, qui me interficere velint. crescere censeant.

Sed M. Cicero ipse, qua mente essem, cognovit:
"Qui semel verecundiae fines transierit, eum bene et naviter oportet esse impudentem."

Bene valete nec me interfeceritis, sed anguillas, quarum scaphae vestrae folliatae plenae sint!

Thomas "ioculator" Vulpius

[Zythophilus]

Caedere te cupiunt? Video te uiuere, Vulpi.

Visne alios, Vulpi, tete, iocose, sequi?

[durgicola]

Vulpium ecce cui diserta turba castalidum favet

[ThomasVulpius]

Quod filia montis mihi favet, hoc satis est, ut redemptionem adipiscar.
Nuper - vix credibile! - subrisit, cum me aspexisset.
Quasi in caelo versari mihi nunc videor!

[Zythophilus]

Multos affirmat Thomas se uelle necare:

Viuit et insidias, quod libet, esse putat.

[ThomasVulpius]

Multos affirmat Thomas se uelle necare:

Viuit et insidias, quod libet, esse putat.

"Ioculatorem" me adhuc nominavi. Vocemne me posthac "Thomam paranoicum"?

[Zythophilus]

Hercle, tibi esse duas animas in pectore constat.

Doctus et insipiens, scurra magusque mihi es.

[ThomasVulpius]

Hercle, tibi esse duas animas in pectore constat.

Doctus et insipiens, scurra magusque mihi es.

Hahae! Tu me perspectum habes. Et mures porcellos amo et eorum cibum ipse comedo: et lactucam et carotas nec fenum.

[Zythophilus]

Heu, Godzilla domum, qua forte est Vulpius, intrat.

Pugna est facta: Virum bestia saeua fugit.

[durgicola]

Vulpi, nostrorum sermonum candide iudex
Quid tum te dicam facere in regione beata?

[durgicola]

Quod filia montis mihi favet, hoc satis est, ut redemptionem adipiscar.
Nuper - vix credibile! - subrisit, cum me aspexisset.
Quasi in caelo versari mihi nunc videor!

O te felicem cui nuper ut ipse fateris

Subrisit labio semihiante dea!*

*seu "durga" si mavis.

[ThomasVulpius]

O te felicem cui nuper ut ipse fateris

Subrisit labio semihiante dea!*

*seu "durga" si mavis.

Nullius umquam anima post mortem in caelum ascendit nisi eius, cui dea Durga arriserat!

[durgicola]

O te felicem cui nuper ut ipse fateris

Subrisit labio semihiante dea!*

*seu "durga" si mavis.

Nullius umquam anima post mortem in caelum ascendit nisi eius, cui dea Durga arriserat!

Stelliferum nemo post mortem scandere caelum

Oscula ni tulerit cui dea magna*, potest

* seu Durga, si mavis

[ThomasVulpius]

Stelliferum nemo post mortem scandere caelum

Oscula ni tulerit cui dea magna, potest

Keiner kann nach dem Tod den Sternenhimmel besteigen,

wenn nicht Küsse zuvor die Große Göttin ihm gab.

[Zythophilus]

Quod tete ad stellas speras post funus iturum,

non feret ad celsum te dea magna polum.

In noua membra dea nasceris saepe iubente

postremoque animam perdet inane chaos.